हामी सबैकाे संसारन्यूज

भदौ १३, काठमाडौं । पार्टी विभाजनमा धोका दिएको भन्ने नेकपा (एकीकृत समाजवादी)का अध्यक्ष माधवकुमार नेपालको भनाईप्रति एमाले उपाध्यक्ष भीम रावलले प्रतिवाद जनाएका छन् । रावलले सामाजिक सञ्जालमार्फत नै नेता नेपाललाई धकेल्दा धकेलिने व्यक्ति फर्काउन खोज्न किन नफर्केको भनि प्रश्न गरेका छन् ।

नेता नेपालप्रति लक्षित गर्दै उनले ट्वीटरमा लेखेका छन्,‘कोही नेता कसैले अगाडि धकेल्दा धकेलिने रहेछन् भने पछाडि फर्काउन खोज्दा पछाडि पनि फर्किनुपर्ने हो ?’

रावलले सहमति भइसके पछि मेलमिलाप हुनुपर्छ भन्ने कुरा बुझ्न नेता नेपाललाई सुझाएका छन् । ‘द्वन्द्वको स्थितिमा अलग्गिने मनस्थिति हुने तर सहमति भइसकेपछि एक भइ मेलमिलाप गर्ने कुरा मुख्य हुन्छ भन्ने बुझ्न धेरै अध्ययनको आवश्यकता हुन्न’, रावलले भनेका छन् ।

शनिबारको एक कार्यक्रममा नेपालले दोस्रो पुस्ताका नेताहरुले आफूलाई घचेटेर अगाडि बढ् भनेको तर पछाडि फर्किएर हेर्दा कोही नपाएको बताएका थिए ।

उनले आजै पार्टी खोलौं, भोलि पार्टी खोलौं भनेका दोस्रो पुस्ताकै नेताहरुले आफूले भन्दा पहिला दुई वटा दल निर्वाचन आयोगमा दर्ता गराएको समेत खुलाएका थिए । तीनै नेताहरु अहिले एमालेमै बसेको भन्दै उनले ओली सुध्रिएका हुन् रु भनेर प्रश्न गरेका थिए ।