हामी सबैकाे संसारन्यूज

१६ भदौ, काठमाडौं । मौसम पूर्वानुमान महाशाखाले हाल देशैभरी रहेको मनसुनी वायुको प्रभावका कारण आज सामान्य बदली रही केहि स्थानहरुमा मेघ गर्जन/चट्याङ्ग सहित हल्कादेखि मध्यम वर्षाको सम्भावना रहेको जनाएको छ ।

त्यस्तै राति देशभर सामान्य बदली रही केहि स्थानहरुमा हल्का देखि मध्यम वर्षाको सम्भावना रहेको छ । साथै प्रदेश नं १ का एक–दुई स्थानमा मेघ गर्जन/चट्याङ्ग सहित भारी वर्षाको सम्भावना रहेको पनि महाशाखाले जनाएको छ ।

त्यस्तै आगामी २४ घण्टामा बागमती प्रदेशका एक–दुई स्थानमा मेघ गर्जन/चट्याङ्ग सहित भारी वर्षाको सम्भावना रहेको तथा पहाडी भू–भागमा भू–क्षय, पहिरो तथा गेग्रान बहावको जोखिम रहेकोले नदीनाला र खहरे खोलामा पानीको सतह बढ्न सक्ने भएकोले सामान्य सतर्कता अपनाउन समेत महाशाखाले अनुरोध गरेको छ ।

त्यस्तै आज कोशी, नारायणी र यिनका सहायक नदीहरूमा बहाब केही बढ्ने तथा महाकाली, कर्णाली यिनका सहायक नदीहरुमा बहाव सामान्य घटबढ हुने र मझौला नदीहरुमा बहाब सामान्य घटबढ हुने तथा सतर्कता भन्दा तलै रहने बाढी पूर्वानुमान महाशाखाले जनाएको छ ।