हामी सबैकाे संसारन्यूज

१६ भदौ, काठमाडौं । यामाहा बाइकको नयाँ शोरुम काठमाडौंको बल्खुमा पनि खुलेको छ । यामाहाका प्रबन्ध निर्देशक विष्णु अग्रवाल सोमबार शोरुमको उद्घाटन गरेका थिए ।

कम्पनीले जनाएअनुसार शोरुममा बाइकको बिक्रिको साथै स्पेयर पार्टस र सर्भिसका सेवाहरु पनि उपलब्ध हुनेछन् । जनाइएअनुसार शोरुमको सर्भिस सेन्टरमा यामाहा एफ आई स्टेसन पनि रहेको छ । जहाँ एफ आई प्रबिधियुक्त बाइकहरुको नवीन प्रविधिद्धारा जाँच गरी हेल्थ कार्ड पनि निःशुल्क निकालिन्छ ।

शोरुममा उद्घाटनको दिनदेखि नै एक्सचेन्ज मेला पनि शुरु भएको छ । जहाँ ग्राहकहरुले कुनै पनि पुरानो मोटरसाइकल वा स्कुटरहरुमा बजार प्रचलित मुल्यांकनभन्दा थप १५ हजार रुपैयाँसम्म प्राप्त गर्नेछन् ।

यसका साथै ७ हजार नगद छुट, शुन्य प्रतिशत ब्याज, न्यून डाउन पेमेन्ट र न्यून किस्ताका सुविधाहरु पनि ग्राहकहरुले प्राप्त गर्न सकिने कम्पनीले जनाएको छ ।