Sansar News
भदौ १७,काठमाडौं । पूर्वमन्त्री एवं नेकपा (एमाले)का सांसद गोकुल बाँस्कोटाको निर्वाचन क्षेत्रका दुवै प्रदेश सभा सदस्यले एमाले छाडेका छन् । बाँस्कोटाको निर्वाचन क्षेत्र काभ्रे–२ का प्रदेश सभा सदस्यले एमाले छाडेर नेकपा (एकीकृत समाजवादी) रोजेका हुन् ।
काभ्रे–२ (क) बाट निर्वाचित लक्ष्मण लम्साल र (ख) बाट निर्वाचित बसुन्धरा हुमागाईं एकीकृत समाजवादीमा लागेका छन् ।
बाँस्कोटाकै गाउँपालिकाका अध्यक्षले पनि एमाले छाडेका छन् । मण्डनदेउपुर गाउँपालिकाका अध्यक्ष टोकबहादुर वाइवा नयाँ पार्टीमा लागेका हुन् ।
मण्डनदेउपुर गाउँपालिकाका १२ वडामध्ये ८ वटामा एमालेका वडाअध्यक्ष छन् । जसमध्ये ६ जना नेकपा (एस) तिर उभिएका छन् ।
वि.सं.२०७८ भदौ १७ बिहीवार १६:५२ मा प्रकाशित
