हामी सबैकाे संसारन्यूज

२२ भदौ, काठमाडौँ । निजामती सेवा दिवसका अवसरमा ४० जना कर्मचारी पुरस्कृत हुँदैछन् ।मन्त्रिपरिषद्को सोमबार बसेको बैठकले ४० जना कर्मचारीलाई पुरस्कृत गर्ने निर्णय गरेको हो ।

४० मध्ये १० जनालाई उत्कृष्ट निजामती कर्मचारी पुरस्कार र ३० जनालाई निजामती सेवा पुरस्कार प्रदान गर्न लागिएको हो ।

उत्कृष्ट पुरस्कार पाउनेमा सर्वोच्च अदालतका सहरजिष्ट्रार बिमल पौडेल, राष्ट्रिय योजना आयोगका सहसचिव डा. किरण रुपाखेती, अख्तियार दुरुपयोग अनुसन्धान आयोगका सहसचिव राजेन्द्र कुमार केसी, संघीय मामिला तथा सामान्य प्रशासन मन्त्रालयका सहसचिव विष्णुदक्त गौतम, स्वास्थ्य सो विभागका निर्देशक डा भिमसिं तिङ्करी, महान्याधिवक्ताको कार्यालयका उपन्याधिवक्ता हरिशंकर ज्ञवाली, महालेखा परीक्षकको कार्यालयका निर्देशक नेत्रप्रसाद पौडेल, भूमि व्यवस्थापन तथा अभिलेख विभागका निर्देशक सुमना अर्याल वाग्ने, बेनी नगरपालिका म्याग्दीका प्रमुख प्रशासकीय अधिकृत छविलाल सुवेदी र महिला तथा बालिबालिका विभागका नायब सुब्बा कमला ढकाल काफ्ले रहेका छन् ।
उत्कृष्ट निजामती कर्मचारी पुरस्कारको राशि एक लाख र निजामती कर्मचारी सेवा पुरस्कारको ५० हजार रहेको छ ।

सर्वोत्कृष्ट निजामती कर्मचारी पुरस्कारका लागि भने यो वर्ष पनि कोही छनोट भएको छैन । ०७३ साल यता यो पुरस्कारका लागि कोही छनोट भएका छैनन् । सर्वोत्कृष्ट निजामती कर्मचारी पुरस्कार दुई लाख राशिको रहेको छ ।

प्रत्येक वर्ष भदौ २२ गते निजामती सेवा दिवसका अवसरमा निजामती कर्मचारीलाई निजामती सेवा नियमावली अनुसार निजामती सेवा पुरस्कारका लागि कर्मचारीको नाम सिफारिस गर्ने समितिको सिफारिसमा सर्वोत्कृष्ट निजामती सेवा पुरस्कार, उत्कृष्ट निजामती सेवा पुरस्कार र निजामती सेवा पुरस्कार प्रदान गर्दै आएको छ ।

[googleapps domain="drive" dir="file/d/1pe9EjD816Hmm4NmWeV5Ikvurh35QbGGb/preview" query="" width="640" height="480" /]