Sansar News
२२ भदाैं काठमाडौँ । सत्तारूढ दल नेपाली काँग्रेसको संसदीय दलको बैठक आज बस्दै छ ।
संसद् भवनको ल्होत्से हलमा बैठक दिउँसो २ बजे बस्ने काँग्रेसले जनाएको छ ।
बुधबार बोलाइएको संसद् बैठकका विषयमा छलफल गर्न संसदीय दलको बैठक बस्न लागेको हो । आजको बैठकमा बजेटका साथै संसदमा पेश गरिने अन्य विषयमा पनि छलफल हुने बताइएको छ ।
छलफलमा एमसीसी परियोजनालाई संसदमा कसरी अघि बढाउने भन्ने विषयमा छलफल हुने स्रोतले बताएको छ । स्रोतका अनुसार एमसीसी परियोजनाका मानिसहरू नेपाल आउने भएका कारण परियोजनालाई संसदको सूचिमा कसरी राख्ने भन्ने विषयमा छलफल हुनेछ ।
राष्ट्रपति विद्यादेवी भण्डारीले मन्त्रिपरिषद्को सिफारिसमा बुधबार अपराह्न ४ बजेका लागि संसद् बैठक आह्वान गरेकी छन् ।
वि.सं.२०७८ भदौ २२ मंगलवार ११:०६ मा प्रकाशित
