Sansar News
भदौ २३, काठमाडौं । नेकपा (एमाले)का सांसदहरुले एमसीसीलाई अस्वीकार गर्नुपर्ने सुझाब दिएका छन् । बुधबार एमाले संसदीय दलको बोल्ने अधिकांश सांसदहरुले यस्तो सुझाब दिएका हुन् ।
बैठकमा बोल्दै सांसद निरुदेवी पालले एमसीसीको पक्षमा एमाले लाग्न नहुने बताइन् । ‘अहिले देशभर जनताले नो एमसीसी भनेर विरोध गरिरहेको अवस्था छ। जनताको अभिमतलाई सम्मान गर्नुपर्छ,’ उनले भनिन्, ‘यसमा हाम्रो प्रष्ट धारणा आओस्। मेरो प्रष्ट धारणा के हो भने अहिले एमसीसीको पक्षमा एमाले लाग्नुहुन्न।’
सांसद डा. शिवमाया तुम्बाहाम्फेले पनि एमसीसीका प्रावधानप्रति गम्भीर प्रश्नहरु उठेको भन्दै उनले एमाले सजग भएर सोंच्नुपर्ने बताइन् ।
बैठकमा बोल्दै सांसद गंगा चौधरीले एमसीसी पास गर्न नहुने सुझाब राखिन् । पार्टी जोगाउन पनि एमसीसीलाई अगाडि लान नहुने सुझाब उनको छ । ‘अब देश नेपाल कम्युनिष्ट पार्टीले बचाउने आश छ,’ उनले भनिन्, ‘एमसीसी पास गर्न हुदैन।’
बैठकमा बोल्ने अधिकांश सांसदहरुले एमसीसीका बारेमा एमाले स्पष्ट नहुनु दुर्भाग्य भएको बताएका थिए । बैठकमा बोल्दै सांसद राजबहादुर बुढाले गाउँगाउँसम्म पुगेको एमसीसी एमाले किन अन्यौंल भनि प्रश्न गरेका थिए ।
सम्बन्धित समाचार
वि.सं.२०७८ भदौ २३ बुधवार १३:२२ मा प्रकाशित
