हामी सबैकाे संसारन्यूज

२५ भदौ, काठमाडौँ । फिफा विश्वकप २०२२ अन्तर्गत दक्षिण अमेरिकन छनोटमा अर्जेन्टिनाले बोलिभियालाई ३-० गोलले पराजित गरेको छ । अर्जेन्टिनाका कप्तान लिओनल मेसीले ह्याट्रिक गर्दै टिमलाई जित दिलाएका थिए ।

मेसीले खेलको १४ मिनेटमा पहिलो गोल गरेका थिए भने दोस्रो गोल ६४ मिनेटमा र तेस्रो गोल ८८ मिनेटमा गरेका थिए । जारी विश्वकप छनोटमा अर्जेन्टिना ८ खेलबाट १८ अंक जोड्दैँ दोस्रो स्थानमा रहेको छ भने ब्राजिल ७ खेलबाट २१ अंक जोड्दैँ शिर्ष स्थानमा रहेको छ ।

बोलिभिया विरुद्धको खेलमा ह्याट्रिक गरेसँगै मेसीले दक्षिण अमेरिकामा सर्वाधिक गोल गर्ने पेलेको कीर्तिमान तोडेका छन । मेसीले राष्ट्रिय टिमका लागि ७९ गालको गरेका छन् । ब्राजिलका पुर्वखेलाडी पेलेले राष्ट्रिय टिमका लागि ७७ गोल गरेका थिए ।