हामी सबैकाे संसारन्यूज

२४ भदौ, काठमाडौं ।नेपाल भ्रमणमा रहेको एमसीसी उपाध्यक्ष फातिमा सुमारको टोलीले नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ लाई भेट गरेको छ ।

चारदिने नेपाल भ्रमणमा रहेको सुमारको टोलीले अध्यक्ष प्रचण्डलाई भेटेर एमसीसी पारित गराउनका लागि बातावरण बनाउन आग्रह गरेको बताइएको छ ।

बिहीवार नेपाल आएको सुमारको टोलीले पहिलो भेट पूर्वप्रधानमन्त्री तथा एमालेका अध्यक्ष केपी शर्मा ओलीलाई गरेको थियो । भेटका क्रममा एमसीसीका विषयमा अध्यक्ष ओलीले सत्तारुढ गठबन्धनदलहरुको धारणा नआइकन आफ्नो पार्टीले कुनै धारणा प्रस्तुत गर्ने अवस्थामा नरहेको बताएका थिए ।

सुमारको टोलीले आज प्रधानमन्त्री शेरबहादुर देउवा लगायतका शिर्ष नेतृत्वलाई भेट्ने कार्यक्रम रहेको बताइएको छ ।