भदौ २५, काठमाडौं । प्रतिनिधिसभा बैठकमा बजेटसम्बन्धी तीन वटा विधेयक स्वीकृत भएको छ । नेकपा (एमाले)का सांसदको अवरोधका बीच शुक्रबारको बैठकबाट आर्थिक विधेयक, राष्ट्र ऋण उठाउने विधेयक र विनियोजन विधेयक स्वीकृत भएको हो ।
प्रतिनिधि सभा बैठकले ती अध्यादेशहरू बहुमतले स्वीकृत गरेको हो ।
तीनै विधेयक अर्थमन्त्री जनार्दन शर्माले सदनमा पेश गरेका थिए । एमाले सांसदको नाराबाजी छल्दै अर्थमन्त्री शर्मा रोस्ट्रममा पुगेर अध्यादेश स्वीकृतिका लागि पेश गरेका थिए ।
नेकपा एमालेले यसअघि जस्तै शुक्रबार पनि प्रतिनिधि सभामा अवरोध गरेको छ । एमालेले आफुँले कारबाही गरेका १४ सांसदलाई पदमुक्त गर्नुपर्ने अडान राखिरहेको छ ।
वि.सं.२०७८ भदौ २५ शुक्रवार १५:४३ मा प्रकाशित