Sansar News
भदौ २८, काठमाडौं । सभामुख अग्निप्रसाद सापकोटाले आह्वान गरेको सर्वदलीय बैठक सुरू भएको छ। संघीय संसद भवन नयाँ बानेश्वरको ल्होत्से हलमा बैठक सुरु भएको हो ।
बैठकलाई प्रमुख प्रतिपक्षी दल नेकपा (एमाले)ले बहिस्कार गरेको छ । एमालेको निरन्तर अवरोधका कारण प्रतिनिधिसभाको बैठक सञ्चालन हुन नसकेपछि सभामुखले बैठक बोलाएका थिए । तर, अवरोध गर्ने एमालेले नै बहिस्कार गरेको छ ।
एमालेले नेकपा (एस)लाई अवैध पार्टी भन्दै उसको उपस्थितिलाई अस्वीकार गरेको हो ।
बैठकमा प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल, जनता समाजवादी पार्टीका अध्यक्ष उपेन्द्र यादव, लोकतान्त्रिक समाजवादी पार्टीका अध्यक्ष महन्थ ठाकुर, राष्ट्रिय जनमोर्चाकी उपाध्यक्ष दुर्गा पौडेल, नेपाल मजदुर किसानका पार्टीका सचिव प्रेम सुवाल र कानुन न्याय तथा संसदीय मामिलामन्त्री ज्ञानेन्द्रबहादुर कार्की सहभागी छन् ।
वि.सं.२०७८ भदौ २८ सोमवार ०९:३१ मा प्रकाशित
