Logo
६ आश्विन २०७८, बुधबार
     Wed Sep 22 2021
Logo

मुगुका कांग्रेस भन्छन्–गुटउपगुट होइन एकताको अधिबेशनमा जाऔं



२९ भदौ, काठमाडौं । मुगुका नेपाली कांग्रेसका नेता तथा नव निर्बाचित वडासभापति क्षेत्रिय प्रतिनिधिहरुले गुट–उपगुटलाई त्यागेर एकताको अधिबेसन गर्न आग्रह गरेका छन् ।

गमगढीस्थित जिल्ला समन्वय समितिको सभाहलमा नेपाली कांग्रेस प्रदेश (क) ले आयोजना गरेको नवनिर्बाचित वडा सभापति तथा क्षेत्रिय प्रतिनिधिलाई स्वागत तथा सम्मान कार्यक्रममा सहभागि बक्ताहरुले यस्तो बताएका हुन् ।

उनीहरुले सहमति र एकतामै ४५ वडा अधिबेसन सम्पन्न भएको र अब हुने गाउँपालिका, नगर, प्रदेश र जिल्लाको नवौं अधिबेसन गुटउपगुट नगरी पार्टीको हितको निम्ति एकताको अधिबेसन गर्न जोड दिएका छन् ।

कस्ले के भने त ?
उक्त कार्यक्रममा दलित प्रतिनिधि बाँकीलाल नेपालीले गुट–उपगुट कसैले गर्न नहुने र पार्टीको हित र कार्यकर्ताको भलाईको लागि एकताको अधिबेसन जरुरी रहेको बताए । उनले गुटउपगुट हावि हुँदा पार्टी धरासायि हुने समेत बताए ।

महिला प्रतिनिधि सुर्यदेबि मल्लले पनि एकताको अधिबेसन हुनु पर्नेमा जोड दिइन् । उनले गुट–उपगुटले कार्यकर्तामा निरास छाएको बताउँदै जिल्लातहका नेताले मुटु मिचेर एकताको अधिबेसन गर्नु पर्नेमा जोड दिइन् । ‘कोही खडगबहादुर शाही पक्ष कोही ऐनबहादुर शाही पक्ष कोही खगेन्द्र मल्ल पक्ष नहौं कांग्रेस पार्टी मात्र बनेर अधिबेसनमा जाऔं ।’ मल्लले भनिन् ।

एउटै पार्टी गुटउपगुटमा बिभाजित भएर अधिबेसनमा जाँदा आगामी स्थानीयतह प्रदेश र संघीय निर्बाचनमा असर पर्ने भएकोले नेतालाई एकताको अधिबेसन गराउन वडा सभापति र क्षेत्रिय प्रतिनिधिहरुले नेतालाई दबाब दिएका छन ।

‘मलाई त गुटउपगुट भए जस्तो लाग्दैन’ पूर्बपार्टी सभापति ऐनबहादुर शाहीले भने, ‘सहमति र वडा अधिबेसन एकता र सहमतिमै सम्पन्न भएका छन् ।’ शाहीले जो जहाँ लागे पनि पार्टी एउटै रहेको बताउँदै गुटउपगुट हावि भै हाल्यो भनेर अहिल्यै आत्तिहाल्नु पर्ने अबस्था नरहेको बताए ।

May be an image of 4 people, people sitting and people standing

‘म पनि एकताको अधिबेसनकै पक्षमा छु । यसमा सबैको सहमति सहकार्य हुन आबश्यक छ । एक जनाले मात्र एकताको अधिबेसन गर्छु भनेर सकिदैँन ।’ एकताको अधिबेसन गराउन आफू लागि परेको पार्टी सभापति खडगबहादुर शाहीले बताए ।

एक आपसको तुष हटाएर नवौं जिल्ला अधिबेसन एकता र सहमतिमा गरेर राम्रो सन्देश दिन आबश्यक देखिएको सभापतिको भनाई छ । कांग्रेसका बरिष्ठ नेता हस्तबहादुर मल्लले पनि नगर वडासभापति क्षेत्रिय प्रतिनिधि माँझ एकताकै सन्देश दिएका छन् ।

‘म गुटगतको अधिबेसन गराउन चाहन्न,’ मल्लले भने, ‘पार्टीको हित र कार्यकर्ताको भलाईका निम्ति एकताकै अधिबेसन गराउन चाहन्छु । स्वागत कार्यक्रममा ब्यङग्यात्मक ढंगले बोल्दै मल्लले भने, ‘सभापति खडगबहादुरजी पूर्ब सभापति ऐनबहादुर भान्जजीसंग गुटउगुटको गाँठो छ म संग छैन ।’ वडा अधिबेसनबाट करिव ४० प्रतिशत युवा निर्बाचित हुदा खुशी लागेको उनको भनाई छ ।

बिगतका अधिबेसन एकता र सहमतिमै गराउन सफल भएको यो पटक पनि एकतामै जोड दिने उनको भनाई छ । नवौं अधिबेसनमा पद रुपान्तरण हुन पर्ने बरिष्ठ नेता मल्लको भनाई छ । गुटउपगुटले पार्टी संगठन समाप्त हुने भएकाले एकता अनिबार्य रहेको नेपाली कांग्रेस सभापति तथा पार्टी उपसभापति तथा खगेन्द्रबहादुर मल्लको भनाई छ ।

‘पर ब्यक्तिका गुट कुम्लाका बोकेर कार्यकर्ताहरु वडा अधिबेसनमा गए वडा अधिबेसन एकता र सहमति हुँदा उत्साह भई आए । पार्टी उच्च बिन्दुमा पु¥याउने हो भने नवौं अधिबेसन एक ब्यक्ति एक पद र एकताको गरा’ैं उपसभापति मल्लले भने, ‘पार्टीलाई धरासायि पार्नु छ भने गुटउपगुटमा जाऔं । गुटउपगुटले नराम्रो सन्देश फैलिएको छ ।’

मल्लले पार्टी सभापति पनि मै प्रदेश र संघीय संसाद पनि मै लडछु भन्न उपयुक्त नहुने भन्दै उमेर अनुसारको डान्स गर्दा सुहाउने बताए । ‘६० बर्षका बृद्धाले १२ बर्षकी तरुनीसित डान्स गर्न सुहाउदैन ।’

उक्त कार्यक्रममा उपसभापति मल्लले एक पृष्ट लामो एकताको अपिल बितरण गरेका थिए ।


यो खबर पढेर तपाईलाई कस्तो महसुस भयो ?

काठमाडौं । माओवादी केन्द्रका अध्यक्ष पुष्पकमल दाहाल ‘प्रचण्ड’की पत्नी सीता दाहालले पाएको पदको विषय

काठमाडौं । केही दिनदेखि निरन्तर घट्दै आएको सुनको भाउ बुधवारको बजारमा ह्वात्तै वृद्दि भएको

काठमाडौं । नेता डा. नारायण खड्कालाई परराष्ट्रमन्त्री बनाएको प्रति कांग्रेसभित्रै असन्तुष्टी देखिएको छ ।

काठमाडौं । त्रिभुवन विश्वविद्यालय परीक्षा नियन्त्रण कार्यालय बल्खुले परीक्षा केन्द्र कायम गरिएको सम्बन्धी सूचना