भदौ ३१, काठमाडौं । नेकपा (एमाले)का अध्यक्ष केपी शर्मा ओलीले देशलाई बजेट बिहिनताको अवस्थामा पुर्याएको भन्दै सरकारको आलोचना गरेका छन् । नेकपा एमाले काठमाडौं जिल्ला कमिटीले आयोजना गरेको प्रशिक्षण कार्यक्रममा बोल्दै उनले ‘अरु कुरा गर्न मिल्ने बजेट पास गर्न किन नमिल्ने ?’ भनि प्रश्न गरे ।
‘नेकपा एमालेको अवरोधका कारणले बजेट पास हुन सकेन भनेर भनेको मैँले सुने,’ उनले भनेका छन्, ‘हामीले नाराबाजी गरेका बेला रेल कुदे जस्तो मन्त्री कुदेर अरुथोक गर्न जान हुने बजेट किन पेस गर्न नहुने ?’
ओलीले सभामुख अग्निप्रसाद सापकोटाले संसदमा तमासा देखाईरहेको पनि टिप्पणी गरेका छन् । उनले सबै चिज गराउनेले बजेट किन पास नगरेको भनि प्रश्न गरे ।
‘चाहिएको कुरा त रोकिएको रहेन छ त ? सभामुखले यो राख भन्ने तमासा देखिएको होइन्’, ओलीले भने ।
एक अर्को प्रसङ्गमा बोल्दै ओलीले शान्तिपूर्णं आन्दोलनमा दमन गरेर जनतालाई नजिस्काउन सरकारलाई चेतावनी दिएका छन् । उनले शान्तिपूर्णं रुपमा पनि बोल्न रोक्न खोजिएको भन्दै आपत्ति जनाए ।
सम्बन्धित समाचार
अष्टलक्ष्मीलाई ओलीको प्रश्न : माधव नेपाललाई किन ल्याउने, फेरि पार्टी फुटाउन ?
एमाले कमजोर भएको छैन्, २/४ सडेका तत्वहरु बाहिरिए : ओली
वि.सं.२०७८ भदौ ३१ बिहीवार १६:३८ मा प्रकाशित
