Sansar News
भारतीय मुलकी अनिता आनंन्द क्यानडाको रक्षामन्त्री बनेकी छन् ।
क्यानडाका प्रधानमन्त्री जस्टिन टुडोले मंगलवार आनन्दलाई रक्षामन्त्री बनाएका हुन् ।
यो भन्दा अगाडि रक्षामन्त्री रहेका हरजीत सज्जनको विपक्षी पार्टीले राजिनामा मागेका थिए । उनीहरु सरकारले सेनाको अनु्चित व्यवहारको विरुद्धमा कुनैपनि कदम नउठाएको आरोप लगाएका थिए ।
क्यानडाको सशस्त्र सेना यौन दुराचारको आरोप खेपिरहेको अवस्थामा भारतीय मुलकी आनन्द रक्षामन्त्री बनेकी हुन् ।
बीबीसीका अनुसार क्यानडाका अधिकारकर्मीहरुले क्यानेडियन सेनाभित्र रहेको विकृतिका विरुद्ध आवाज उठाउँदै महिला मन्त्री बनाउनुपर्ने माग समेत गरेका थिए ।
वि.सं.२०७८ कात्तिक १० बुधवार १६:४१ मा प्रकाशित
