Sansar News
काठमाडौं । विवेकशील साझा पार्टीको केन्द्रीय समिति बैठकले पार्टी अध्यक्ष रवीन्द्र मिश्रशको दस्तावेज ‘मार्ग परिवर्तन : विचारभन्दा माथि देश’ पारित गरेको छ । बिहीबार भएको केन्द्रीय कमिटीको जुम बैठकले दस्तावेज पारित गरेको प्रवक्ता शरदराज पाठकले जानकारी दिएका छन् ।
मिश्रले उक्त दस्तावेजमा संघीयताको खारेजी तथा धर्म निरपेक्षतामाथि जनमत संग्रहको प्रस्ताव गरेका छन् । निकै चर्चामा रहेको उक्त दस्तावेज विवेकशील साझाको केन्द्रीय समितिका १२४ सदस्यमध्ये ९१ सदस्यको समर्थनसहित पारित भएको हो ।
बिहीबार बसेको बैठकले पार्टी अध्यक्षलाई अधिकार दिने गरि विधान संशोधन गर्ने निर्णय पनि गरेको छ । बैठकले संघीयताको खारेजी र धर्मनिरपेक्षतामाथि जनमत संग्रहको एजेण्डामा अन्य राजनीतिक दलभित्र छलफल चलाउने निर्णय गरेको छ । एजेण्डा आधारमा बृहत्तर ध्रुवीकरण र एकताको अभियान चलाउने पनि निर्णय गरेको पार्टी प्रवक्ता पाठकले जानकारी दिए ।
मिश्रले फरक मत सार्वजनिक भएसँगै विरोधमा देखिएको मिलन पाण्डे नेतृत्वको समूह भने बैठकमा उपस्थित थिएन । पाण्डे समूहले बेग्लै अनौपचारिक बैठक राखेर असन्तुष्टी जनाएको छ ।
वि.सं.२०७८ कात्तिक ११ बिहीवार १५:४८ मा प्रकाशित
