Sansar News
काठमाडौं । नेपालमा पछिल्लो २४ घण्टामा गरिएको ९ हजार ७४६ नमुना परीक्षणमा ५४९ जनामा कोरोना संक्रमण पुष्टि भएको छ ।
आज काठमाडौंमा १७३ ललितपुरमा ३१ र भक्तपुरमा २४ गरी उपत्यकामा २२८ जना संक्रमित थपिएका छन् । मन्त्रालयको तथ्यांक अनुसार बिहीवारको तुलनामा आज उपत्यकामा संक्रमितको संख्या केही बढेको हो ।
आज थपिएका ५४९ जनासँगै नेपालमा हालसम्म संक्रमित हुनेको संख्या ९ लाख ६ हजार २५५ पुगेको छ । हाल देशैभरी सक्रिय संक्रमितको संख्या १० हजार १५१ रहेको छ । ती मध्ये होम आइसोलेसनमा ९,३७९ र संस्थागत आइसोलेशनमा ७७२ जनाको उपचार भइरहेको छ ।
मन्त्रालयका अनुसार हाल देशैभरीका अस्पतालका आइसीयुमा २४२ जना र आइसीयुमा ७८ जनाको उपचार भइरहेको छ ।
त्यसैगरी आज निको भएका ५६९ जनासँगै नेपालमा हालसम्म कोरोना संक्रमणबाट मुक्त हुनेको संख्या ७ लाख ९० हजार ३५८ रहेको छ ।
त्यस्तै पछिल्लो २४ घण्टामा ६ जना कोरोना संक्रमितको मृत्यु भएको मन्त्रालयको विवरणमा उल्लेख छ ।
मन्त्रालयका अनुसार आज थपिएका ६ जनासँगै नेपालमा हालसम्म संक्रमणबाट मृत्यु हुनेको संख्या ११ हजार ३८८ पुगेको छ ।
मन्त्रालयका अनुसार पछिल्लो २४ घण्टामा १ लाख २५ हजार ५२७ जनाले कोरोना भाइरसविरुद्धको खोप लगाएका छन् ।
यो संगै नेपालमा हालसम्म कोरोना भाइरसविरुद्धको खोप लगाउनेको संख्या १ करोड ५६ लाख ४६ हजार ४०७ पुगेको छ । ती मध्ये पहिलो मात्रा खोप ८६ लाख ६२ हजार २५० जना र ६९ लाख ८४ हजार १५७ जनाले दुवैमात्रा खोप लगाएको पनि मन्त्रालयले जनाएको छ ।
वि.सं.२०७८ कात्तिक १२ शुक्रवार १६:५२ मा प्रकाशित
