हामी सबैकाे संसारन्यूज

काठमाडौं । नेपाल बार एसोसियसनको प्रांगढमा शुक्रवार दिउँसो दुई वकिलबीच हात हालहाल भएको छ ।

शुक्रवार दिउँसो वकिलद्धय विराट न्यौपाने र अर्का वकिल भूमिनन्द चुँडालवीच हात हालाहल भएको हो । इजलास खोल्नुपर्छ भन्दै केही मिडियामा आफ्ना विचार राखिरहेका बारका अधिवक्ता चाुँडाललाई अर्का अधिवक्ता न्यौपानले हातपात गरेका हुन् ।

प्रधानन्यायाधिश चोलेन्द्र शम्सेर जवराले राजीनामा दिनुपर्छ भन्ने माग गर्दै बेच्न बहिष्कार गर्दै आएका न्यौपानेले प्रधानन्यायाधिशको समर्थन गरिरहेका चुँडाल न्यायाधिशहरुले गरेको बेन्च बहिष्कारकार विरुद्धमा रहेका छन् । उनले इजलास चल्नुपर्छ भन्दै आएका छन् ।

न्यौपानले उनीमाथि हातपात गरेपछि चँुडालले रुदै अब अति भएकोले राजतन्त्र ल्याउनैपर्ने तथा प्रधानन्यायाधिश राजतन्त्रको खम्बा रहेको भन्ने अभिव्यक्ति वारकै प्रागंढमा उभिएर दिएका छन् भने न्यौपानेले भने चुँडाल दलाल रहेको आरोप लगाउँदै हिर्काउनैपर्ने अभिव्यक्ति दिएका छन् ।

अधिवक्ता, विराट न्यौपान
‘यो झगडा होइन नसियत मात्र हो । अदालत परिसरमा हातपात गरेँ त्यसको जिम्मा म लिन्छु । त्यो अन्तरनिहित कुरा मलाई थाहा छ । यो बारको परिसर हो म भित्र जाने र नजाने मलाई थाहा छ म कतिदिन भित्र हुन्छु र बाहिर हुन्छु भन्ने । राम्रो कुराको लागि भित्र गएर पनि केही पनि छैन । उ ले पनि हातपात गर्यो मैले पनि गरेँ । मैले नै गरे पनि के फरक पर्यो र ? मैले नसियत मात्र दिएको हुँ ।

आक्राशित न्यौपानेले पत्रकारलाई समेत ‘तपाई कुन मेडिया र कस्को पक्षबाट आउनु भएको ?’ भन्ने प्रश्न समेत गरेका थिए ।

अधिवक्ता, भूमिनन्द चुँडाल
बारले केही गर्न सक्तैन अब । यो वार यति गैरकानुनी र गैरसंवैधानिक भा’छ । देशमा गणतन्त्र अन्त्य भैसक्यो । अब राजतन्त्र आउँछ आउँछ यो देशमा । राजतन्त्र नल्याइकन हुँदैन यो देशमा । राजतन्त्र विना यो प्रधानन्यायाधिश हट्दै हट्दैन । राजतन्त्रको खम्बा हो हाम्रो प्रधानन्यायाधिश । राजतन्त्र नआएसम्म हाम्रो प्रधानन्यायाधिश रहन्छ । बारका दलालबाट अन्याय भा’छ । बारको नेतृत्व नै दलाल छ ।

वारले हामीजस्ता स्वतन्त्र कानुन व्यवसायीमाथि अन्याय गरेको छ । हामीलाई कुट्दा हेरेर बस्छ । वारका पदाधिकारी हाँसेर बस्छ । यो कस्तो अन्याय छ । एउटा कानुन व्यवसायी सर्वोच्च अदालतमा पिटिन्छ । बार हेरेर बस्छ । यस्तो अन्याय छ देशमा । यो व्यवस्थाको अन्त्य होस् म रगत बगाउन चाहान्छु । राजतन्त्र आउनैपर्छ राजतन्त्र नल्याइकन छोड्दै छोड्दिन ।’

बारमा प्रधानन्यायाधीश समर्थक र विरोधी वकिलबीच कुटाकुट (भिडियोसहित)