Sansar News
ओमान । नेपाली दूतावास ओमानले ओमानको विभिन्न क्षेत्रमा रहेका नेपालीहरुलाई कोरोना भाइरसविरुद्धको खोप लगाउन अनुरोध गरेको छ ।
दूतावासले कोरोना भाइरसको उत्परिवर्तित रुप कुनै पनि समय र स्वरुपमा देखापर्न सक्नेबारे विज्ञहरुले सचेत गराइरहेको बताउँदै अहिलेसम्म कोरोना भाइरसको खोप नलाएका नेपालीहरुलाई ओमान सरकारद्धारा संचालित विभिन्न केन्द्रमा पुगेर खोप लगाउन अनुरोध गरेको हो ।
‘ओमान सरकारले विदेशी नागरिकहरुलाई समेत सहभागी गराउने अभिप्रायले आगामी दिनमा ओमानभरी विभिन्न प्रशासकिय क्षेत्रमा रहेका/तोकिएका सरकारी स्वास्थ्य केन्द्रहरुबाट (यसै सूचनासाथ संलग्न) खोप लगाउने तयारी गरेकाले अझसम्म पनि खोप नलिनु भएका नेपालीहरुलाई आ–आफ्नो पायक पर्ने खोपकेन्द्रहरुमा गई कोरोना भाइरस विरुद्धको खोप लिनु हुन ओमानमा बस्ने सम्पूर्ण नेपालीहरुमा हार्दिक अनुरोध गर्दछ ।’ दूतावासद्धारा जारी सूचनामा भनिएको छ ।
वि.सं.२०७८ कात्तिक २४ बुधवार १२:३६ मा प्रकाशित
