Sansar News
काठमाडौं । नेपाल बार एशोसिएसनले प्रधानन्यायाधीश चोलेन्द्रशमशेर राणाविरुद्व महाभियोग दर्ता गर्न माग गर्दै सभामुख अग्निप्रसाद सापकोटालाई ज्ञापनपत्र बुझाएको छ । सोमबार बारका पदाधिकारीहरु सिंहदरबारस्थित संसद सचिवालयमा पुगेर महाभियोग दर्ताको माग गर्दै ज्ञापन पत्र बुझाएका हुन् ।
ज्ञापन पत्रमा प्रधानन्यायाधीश राणामाथि महाभियोग लगाउनुपर्ने आधार, कारण र आरोप उल्लेख छ । प्रधानन्यायाधीशले राजीनामा नदिएसम्म आन्दोलन नरोक्ने निर्णय गरेको बारले बर्हिगमन गराउन महाभियोगको उपाय सुझाएको हो ।
बारले दलका शीर्ष नेताहरुलाई पनि भेटेरै ज्ञापन पत्र दिने तयारी गरेको छ ।
वि.सं.२०७८ मंसिर ६ सोमवार १४:५५ मा प्रकाशित
