हामी सबैकाे संसारन्यूज

काठमाडौं । नेकपा (माओवादी केन्द्र)का अध्यक्ष पुष्पकमल दाहाल प्रचण्डले आफुँलाई नेतृत्व छोड्न मन भएको बताएका छन् । मंगलबार अखिल नेपाल शिक्षक संगठनको दोस्रो राष्ट्रिय परिषद् बैठकलाई सम्बोधन गर्दै उनले सक्रिय राजनीतिक जीवनबाट बाहिरिन खोजेको बताएका हुन् ।

‘मलाई नेतृत्व छिटोभन्दा छिटो छोड्न मन छ, राजनीतिबाट अहिलेसम्म गरेको अनुभवको संस्मरण लेख्ने मन छ’, प्रचण्डले भनेका छन्, ‘यसो हेर्छु दायाँबायाँ छाँटकाँट देख्दिन, बेला भएको छैन भन्ने लाग्छ, आफ्नो अन्तर आत्माले मान्दैन।’

उनले नेतृत्व विकासको प्रश्न निकै महत्वपूर्णं भएको भन्दै त्यो इतिहास र आन्दोलनले बनाउने बताए । नेतृत्वको विकास जनताले गर्ने उनको भनाई छ ।

प्रचण्डले यसअघि पनि नेतृत्वको हस्तान्तरणका विषयमा आफुँ इच्छुक भएको तर, उपयुक्त पात्र नभेटिएको बताएका थिए ।