काठमाडौं । नेपालमा पछिल्ला केही साता कोरोना संक्रमित हुनेको संख्या निरन्तर घट्दै गइरहेको छ । नेपालमा पछिल्लो २४ घण्टामा २०५ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको १० हजार ७४७ नमुना परीक्षणमा २०५ जना नयाँ संक्रमित थपिएका हुन् ।
आज थपिएका २०५ जनासँगै नेपालमा कोरोनाबाट हालसम्म संक्रमित हुनेको संख्या ९ लाख १८ हजार १८४ पुगेको छ ।
त्यसैगरी पछिल्लो २४ घण्टामा ४३६ जना निको भएका छन् । आज निको भएका ४३६ जनासँगै नेपालमा कोरोना संक्रमणबाट मुक्त हुनेको संख्या ८ लाख ४ हजार ५४४ पुगेको छ ।
त्यस्तै नेपालमा आज कोरोनाबाट १ जनाको मृत्यु भएको छ । आज थपिएका १ जनासँगै नेपालमा कोरोना संक्रमणबाट मृत्यु हुनेको संख्या ११ हजार ५४१ पुगेको छ ।
हाल नेपालमा ६ हजार ५०७ जना कोरोनाका सक्रिय संक्रमित रहेका छन् । ती मध्ये होम आइसोलेशनमा ६ हजार १६२ जना रहेका छन् भने ३४४ जना संस्थागत आइसोलेशनमा रहेका छन् । साथै देशैभरी अस्पतालका आइसीयुमा १०७ र २८ जनाको भेन्टिलेटरमा उपचार भइरहेको छ ।
त्यसैगरी नेपालमा हालसम्म कोरोनाभाइरस विरुद्धको खोप लगाउनेको संख्या १ करोड ९० लाख ५० हजार ८३४ जनाले कोरोना भाइरसविरुद्धको खोप लगाएका छन् । ती मध्ये १ करोड ३ लाख ५२ हजार ८४५ जनाले पहिलो मात्रा र ८६ लाख ९७ हजार ९८९ जनाले दुवै मात्राको खोप लगाइसकेका छन् । नेपालमा पछिल्लो २४ घण्टामा ५७ हजार ९३० जनाले कोरोनाविरुद्धको खोप लगाएका छन् ।
वि.सं.२०७८ मंसिर १९ आइतवार १६:११ मा प्रकाशित