हामी सबैकाे संसारन्यूज

काठमाडौं । पार्टी अध्यक्षको निर्वाचनमा भएको पराजयबाट राष्ट्रिय प्रजातन्त्र पार्टीका निवर्तमान अध्यक्ष निकै विक्षिप्त देखिएका छन् । उनले सामाजिक सञ्जालमार्फत निकै भावुक शब्दहरु शेयर गर्न थालेका छन् ।

अन्तरमनभित्र निकै पीडा भएको भन्दै थापाले राजेन्द्र थापाको शब्द र अरुणा लामाको स्वरमा भएको चर्चित ‘पोहोर खुसी फाट्दा’ गीतको अंश शेयर गरेका छन् । उनले आफ्नो अवस्था निकै पीडादायी रहेको उनको भनाई छ ।

सामाजिक सञ्जालमार्फत उनले भनेका छन्, ‘मेरो अन्तर्मन भित्र मेरो मान्यता माथि गंभीर प्रश्न चिन्ह खडा भएको अहिलेको अवस्थामा कवि राजेन्द्र थापाको यो कविता सम्झन मन लाग्यो– पोहोर साल खुशी फाट्दा, जतन गरि मनले टाले, त्यहि साल माया फाट्यो, त्यसलाई पनि मनले टाले, यसपाली त मनै फाट्यो, केले सिउने केले टाल्ने हो ?’

निर्वाचनको नतिजालाई अस्वभाविक ठानेका थापाले पराजय हुनुमा पूर्वराजा ज्ञानेन्द्र शाहको हात रहेको टिप्पणी गरेका छन् । उनले बेग्लै पार्टी बनाउने गरि छलफल पनि प्रारम्भ गरेका छन् । पराजयबाट विरक्त भएका थापा नवनिर्वाचित पदाधिकारीको सपथ ग्रहण कार्यक्रममा पनि सहभागी भएनन् ।

सम्बन्धित समाचार

के कमल थापालाई हराउन निर्मल निवासको हात छ ?