हामी सबैकाे संसारन्यूज

काठमाडौं । ‘नयाँ नेतृत्वको सहयोग गर्छु’ भन्ने राप्रपाका निर्वतमान अध्यक्ष कमल थापा बुधबारदेखि सुरु भएको राप्रपाको पहिलो केन्द्रीय कमिटी बैठकमा भने अनुपस्थित भएका छन् । बैठक स्थलमा उनको लागि राखिएको कुर्सी खाली छ ।

थापालाई अध्यक्ष राजेन्द्र लिङ्देनसँगैको कुर्सी राखिएको छ । बैठक स्थलमा निवर्तमान अध्यक्षद्धय पशुपतिशमशेर राणा र प्रकाशचन्द्र लोहनी भने लिङ्देनको दायाँ तर्फ बसेका छन् ।

थापाले पार्टी अध्यक्षको लागि भएको निर्वाचनमा हारेसँगै पार्टीको आन्तरिक विषयमा निर्मल निवासको हस्तक्षेप भएको भन्दै विरोध जनाउँदै आएका छन् । उनले उक्त विषयमा छानबिन गर्न पनि माग गरेका छन् ।

उनको अनुपस्थिति बिनै बैठक सुरु भएको छ । बैठकमा अध्यक्ष लिङ्देनले निर्वाचित कार्यसमितिको एजेण्डा राख्ने बताइएको छ ।