Sansar News
दिल्ली । भारतमा सेनाको हेलिकप्टर दुर्घटना हुँदा ११ जनाको मृत्यु भएको छ ।
बुधवार तमिलनाडुको कुन्नुर जंगलमा भारतीय सेनाका उच्च अधिकारी चिफ अप डिफेन्स स्टाफ बिपिन रावतसहित उच्च अधिकारी चढेको Mi-17V5 हेलिकप्टरमा दुर्घटना भइ आगलागी हुँदा ११ जनाको मृत्यु भएको भारतीय संचार माध्यमले जनाएका छन् ।
भारतीय समाचार ऐजेन्सीका अनुसार उक्त हेलिकप्टरमा चिफ अप डिफेन्स स्टाफ बिपिन रावत, उनकी पत्नी मधुलिकासहित १४ यात्रु सवार रहेको र हालसम्म उक्त दुर्घटनामा परेका ११ जनाको शब फेला परेको छ ।
उक्त हेलिकप्टर दुर्घटना हुनासाथ आगो लागेको बताइएको छ । हेलिकप्टरमा सवार मानिसहरुको शब ८५ प्रतिशत जलेको बताइएको छ ।
दुर्घटनामा परेर गम्भीर घाईते भएका रावतलाई वेलिंगटनस्थित सेनाको अस्पतालमा उपचारका लागि लगिएको बताइए पनि उनको अवस्थाको बारेमा भने खुलाइएको छैन । समाचार ऐजेन्सीका अनुसार सेनाको स्रोत तथा पूर्व अधिकारीहरुले भने उनलाई श्रद्धान्जलि दिएका छन् ।
वि.सं.२०७८ मंसिर २२ बुधवार १६:१४ मा प्रकाशित
