Sansar News
काठमाडौं । नेपाली कांग्रेसको १४औं महाधिवेशनअन्तर्गत केन्द्रीय सदस्यमा उम्मेदवारी दिएका *५७ जनाले उम्मेदवारी फिर्ता लिएका छन्।
आइतबार दिउँसो साढे १२ बजेसम्म नाम फिर्ता लिने समय तोकिएकोमा उनीहरुले फिर्ता लिएका हुन् ।
फिर्ता लिनेमा अधिकांश सभापति शेरबहादुर देउवा समूहका छन् । केहीले फिर्ता लिएसँगै सोही क्लष्टरमा उम्मेदवारी दिएका अन्य भने निर्विरोध निर्वाचित भएका छन् । देउवा समूहमा रहेका दुई केन्द्रीय सदस्य निर्विरोध निर्वाचित भएका छन् ।
प्रदेश दुईमा खुलातर्फबाट उमेदवारी दिएका आनन्द ढुंगाना र रमेश रिजाल निर्विरोध भएका हुन् ।
यस्तै, सभापतिमा उम्मेदवारी दिएका युवराज न्यौपाने र सहमहामन्त्रीमा उम्मेदवारी दिएका सुरेन्द्र प्रसाद चौधरीले पनि उम्मेदवारी फिर्ता लिएका छन्।
(यसअघि उम्मेदवारी फिर्ता लिनेकाे संख्या अन्यथा हुन गएकाेमा सच्चाइएकाे छ ।)
वि.सं.२०७८ मंसिर २६ आइतवार १३:१७ मा प्रकाशित
