Sansar News
काठमाडौं । नेपाली कांग्रेसको पदाधिकारीसहित केन्द्रीय समितिमा उम्मेदवारी दिएका ५७ जनाले आफ्नो उम्मेदवारी फिर्ता लिएका छन् । आइतबार दिउँसो साढे १२ बजेसम्म नाम फिर्ता लिने समय तोकिएकोमा उनीहरुले फिर्ता लिएका हुन् ।
कांग्रेसको निर्वाचन समितिले जनाएअनुसार २ जना पदाधिकारी र ५५ जनाले आफ्नो उम्मेदवारी फिर्ता लिएका छन् । फिर्ता लिनेमा अधिकांश सभापति शेरबहादुर देउवा समूहका छन् ।
उम्मेदवारी फिर्ता लिनेमा पदाधिकारीतर्फ सभापतिका उम्मेदवार युवराज न्यौपाने र सहमहामन्त्रीका उम्मेदवार सुरेन्द्र चौधरी छन् । अन्य ५५ जना केन्द्रीय सदस्यका उम्मेदवार हुन् ।
अब सभापतिमा ५ जनाबीच भिडन्त हुनेछ । जसअनुसार कल्याणकुमार गुरुङ, प्रकाशमान सिंह, डा शेखरप्रसाद कोइराला, विमलेन्द्र निधि र शेरबहादुर देउवा छन् ।
क–कसले फिर्ता लिए उम्मेदवारी ?
वि.सं.२०७८ मंसिर २६ आइतवार १४:१२ मा प्रकाशित
