हामी सबैकाे संसारन्यूज

काठमाडौं । नेपाली कांग्रेसको १४ औं महाधिबेशन अन्तर्गत नयाँ नेतृत्व चयनका लागि आज भएको निर्वाचनमा दुईबजेसम्म ६ सय बढी मत खसेको छ ।

निर्वाचन समितिका अनुसार निर्धारित समयभन्दा ढिलो (११ बजे) सुरु भएको मतदानमा साढे २ बजेसम्म ६ सय मत खसेको हो ।
निर्वाचनमा धेरै उम्मेदवार भएका कारण एक व्यक्तिले २९ वटा मतपत्रमा मतदान गर्न १ घण्टा बढी समय लागेको निर्वाचनमा सहभागी एक प्रतिनिधिले बताए ।

मतदान गर्नका लागि राष्ट्रिय सभागृहमा २९३, भृकुटीमण्डप प्राङ्गणमा २९३ बुथ र भृकुटीमण्डपको हलमा ५१४ बुथ राखिएको छ भने ४ हजार ७४३ जना प्रतिनिधि सहभागी छन् । कांग्रेसले निर्वाचनमा विद्युतीय भोटिङ मसिन प्रयोग नगरेका कारण पनि मतदानमा बढी समय लागेको हो ।

कांग्रेसमा १३ पदाधिकारीसहित १३९ केन्द्रीय सदस्यका लागि निर्वाचन भइरहेको छ । मतदान सकिनासाथ पहिलो सभापतिको मत गणना गरिने छ भने अन्य पदका लागि खसेको मत भने केन्द्रीय कार्यालय सानेपामा लगेर राखिने बताइएको छ ।

मत गणनामा सभापतिको उम्मेदवारमध्ये कसैले पनि ५० प्रतिशत मत कटाउन नसेकेमा पुनः मतदान हुनेछ । नेपाली कांग्रेसको आगामी नेतृत्वका लागि शेरबहादुर देउवा, डा. शेखर कोइराला, प्रकाशमान सिंह, विमलेन्द्र निधि र कल्याण गुरुङ चुनावी मैदानमा उत्रिएका छन् ।