Sansar News
काठमाडौं । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले आफूले पूर्वराजा ज्ञानेन्द्रसँग कुनै सम्झौता नगरेको बताएका छन् ।
पूर्वराजा ज्ञानेन्द्र शाहसँग आफ्नो पाँच बुँदे सहमति भएको भन्ने कुरा शत प्रतिशत झुटो रहेको र त्यसको प्रचार गरेर ओलीले आफ्नो दरिद्र राजनैतिक चरित्र मात्र प्रदर्शन गरेको आरोप समेत प्रचण्डले लगाएका छन् । उनले पाँचबुँदे सहमति प्रमाणित गर्न समेत चुनौती दिएका छन् ।
‘दलाल पूँजीपति वर्ग र प्रतिगमनको राजनैतिक प्रतिनिधिका रुपमा देखा परेका एमाले गुटका अध्यक्ष के.पी. शर्मा ओली, झुट, बेइमानी र धोकाको अर्को नाम हो भन्ने तथ्यलाई उनले हालैको आफ्नै अभिव्यक्तिबाट पुुनः प्रमाणित गरेका छन्,’ अध्यक्ष प्रचण्डले भनेका छन्,‘ पूर्वराजा ज्ञानेन्द्र शाहसँग प्रचण्डको पाँच बुँदे सहमति भएको थियो भन्ने शत–प्रतिशत झुटो कुरा प्रचार गरेर उनले आफ्नो दरिद्र राजनैतिक चरित्र मात्र प्रदर्शन गरेका छन् । म के. पी. ओलीलाई “पाँच बुँदे सहमति” प्रमाणित गर्न र प्रमाणित गर्न नसके झुटो बोलेकोमा जनतासँग माफी माग्न चुनौती दिन्छु ।’
अध्यक्ष प्रचण्डले विज्ञप्तिमार्फत् भनेका छन्
ओलीको आरोप : कुन सेयर कारोबारीले चन्दा दिएन, प्रचण्डले सेयर बजारमा ठोकिदिए (भिडियाेसहित)
वि.सं.२०७८ पुस १ बिहीवार ०९:४५ मा प्रकाशित
