Sansar News
काठमाडौं । नेपाली कांग्रेसको नयाँ नेतृत्व चयनका लागि गत सोमबार भएको निर्वाचनको मत परिणाम आउने क्रम जारी छ ।
यसअघि १ सभापति, २ उपसभापति, २ महामन्त्री र ८ सहमहामन्त्री, महिला, जनजाति र दलित कलस्टरबाट उम्मेदवारी दिएका उम्मेदवारको को मत परिणाम आइसकेको छ ।
त्यसैगरी शनिवार पार्टी कार्यालय सानेपामा गरिएको खुला केन्द्रीय सदस्यका लागि खसेको मत गणनाको परिणाम पनि अन्तिम चरणमा पुगिसकेको छ । ३५ खुला केन्द्रीय सदस्यका लागि भएको निर्वाचनमा ९९ जनाले उम्मेदवारी दिएका थिए ।
शनिवार गरिएको २३९३ मत गणना अनुसार अत्यधिक मत ल्याउने पहिलो नम्बरमा डा. शसांक कोइराला परेका छन् । उनले १९७१ मत प्राप्त गरेर अगाडि रहेका छन् भने दोस्रो नम्बरमा एनपी साउद १५०७ र तेस्रो नम्बरमा रमेश लेखकले १४५२ मत प्राप्त गरेका छन् ।
त्यस्तै उदय शमशेर राणाले १४४५, शंकर भण्डारी १४३७, ज्ञानेन्द्र बहादुर कार्की १४२३, रामहरि खतिवडा १३९५, अर्जुन नरसिंह केसी १३८३, गोपालमान श्रेष्ठ १३३२, जिपछिरीङ्ग लामा १३१२, जितजंङ्ग बस्नेत १२८३, नैनसिंह महर १२८३, रामशरण महत १२८१, गोविन्द भट्टराई १२७७, सुनिलबहादुर थापा १२४६, बल बहादुर केसी १२३३, दिलेन्द्र प्रसाद बडु १२३१, मोहन बहादुर बस्नेत १२०२, दिपक गिरी ११७४, सुरेन्द्रराज पाण्डे ११५१, कुन्दनराज काफ्ले ११४३ र पद्यमनारायण चौधरीले ११३७ मत प्राप्त गरेका छन् ।
निर्वाचन समितिले बाँकी मत आज बिहानबाट गरेर केही समयमै नतिजा समर्वजिनक गर्ने जनाएको छ ।
हेर्नुहोस् अन्यमा कस्ले कति मत ल्याए त ?
वि.सं.२०७८ पुस ४ आइतवार ०९:२१ मा प्रकाशित
