Sansar News
काठमाडौं । बालुवाटारमा बसेको शीर्ष नेताहरुको सर्वदलीय बैठकमा कांग्रेसका महामन्त्री गगन थापा पनि सहभागी भएका छन् । कांग्रेस सभापतिसमेत रहेका प्रधानमन्त्री शेरबहादुर देउवाले कांग्रेसको तर्फबाट थापालाई पनि बैठकमा सहभागी गराएका हुन् ।
संसदमा सहभागी दलका शीर्ष नेताहरुको सहभागीता रहेको बैठकमा महामन्त्री थापासँगै कांग्रेसको तर्फबाट नेता रामचन्द्र पौडेल, उपसभापति पूर्णंबहादुर खड्का पनि सहभागी छन् । पौडेल सत्तारुढ गठबन्धनको समन्वय समितिका संयोजकका हैसियतमा उपस्थित भएका हुन् ।
थापा यसअघि शीर्ष तहको बैठकमा सहभागि हुन पाएका थिएनन् । कांग्रेस महामन्त्री निर्वाचित भएसँगै देउवाले थापालाई अगाडि सारेका हुन् ।
वि.सं.२०७८ पुस ४ आइतवार १७:२६ मा प्रकाशित
