हामी सबैकाे संसारन्यूज

काठमाडौं । नेकपा माओवादी केन्द्रको बन्दसत्र सुरु भएको छ । आइतवारदेखि राजधानीको प्रज्ञा प्रतिष्ठानमा सुरु भएको माओवादी केन्द्रको आठौ महाधिवेशनको आज दोस्रो दिन बन्दसत्र सुरु भएको छ ।

बन्दसत्र संचालनका लागि पार्टीका नेताहरु कृष्ण बहादुर महरा, गिरीराजमणि पोखरेल, गणेश साह, पूर्णकुमारी सुवेदी, परशुराम तामाङ, पर्शुराम रम्तेल र रुपा महर्जन रहेको ७ सदस्यीय अध्यक्ष मण्डल समेत गठन गरिएको छ ।

बन्दसत्रको सुरुवातमा पार्टीका अध्यक्ष प्रचण्डले आफुले तयार गरेको राजनीतिक प्रतिबेदन पढेर सुनाइरहेको बताइएको छ ।

महाधिबेशनको बन्दसत्रमा देशभरीबाट आएका झण्डै १७ सय प्रतिनिधिहरुको सहभागिता रहेको छ ।

बन्द सत्रमा अध्यक्ष दाहालको प्रतिवेदन र नेता देव गुरुङले विधान संशोधन प्रस्ताव पेश गर्नेछन् । अध्यक्षको राजनीतिक प्रतिवेदन, नेता गुरुङको विधान संशोधन प्रस्ताव पेश गरेपछि सहभागी प्रतिनिधिलाई १५ समुहमा विभाजन गरेर छलफल गरिने बताइएको छ । उक्त प्रतिवेदन पारित भएसँगै नयाँ नेतृत्व चयनका लागि प्रक्रिया सुरु गरिन बताइएको छ ।

यी हुन् नेकपा माओवादी केन्द्रको १५ पदाधिकारीमा नयाँ आकांंक्षी