हामी सबैकाे संसारन्यूज

काठमाडौं । नेकपा (माओवादी केन्द्र)को आठौं राष्ट्रिय महाधिवेशनको जारी बन्दसत्रमा विवाद उत्पन्न भएको छ । प्रदेश २ का प्रतिनिधिहरुले नेता गिरिराजमणि पोखरेल र उनको समूहमाथि प्रश्न उठाउँदै कारबाहीको माग गरेपपछि विवाद उत्पन्न भएको हो ।

समूहगत छलफलको निष्कर्ष सुनाउने क्रममा प्रदेश २ का टोली नेता सत्यनारायण भगतले जनयुद्धकालीन शहीद रामवृक्ष यादवको शालिक भत्याएको आरोप लगाउँदै कारबाहीको माग उठाएका थिए । बुधबारको बन्दससत्रमा भगले उक्त विषय उठाएपछि नेता पोखरेलले आपत्ति जनाएका थिए । आफुँमाथि कारबाहीको माग उठेपछि पोखरेल आजको बन्दसत्रमा उपस्थित छैनन् ।

विवाद बढ्ने अवस्था पुगेपछि पार्टी अध्यक्ष पुष्पकमल दाहाल ‘प्रचण्ड’ले स्थायी समितिको आकस्मिक बैठक बोलाएका हुन् । स्थायी समितिमा भगतले उठाएको उक्त मुद्दाबारे छलफल हुनेछ ।

पोखरेलमाथि महोत्तरीको खयरमारमा निर्मल लामा पोलिटेक्निल इन्स्टिच्यूट बनाउने भन्दै शहीद रामवक्ष यादवको शालिक भत्काएको आरोप छ । उनले भने यस आरोपबारे हालसम्म सफाई दिएका छैनन् ।