Sansar News
काठमाडौं । नेपालमा आज कोरोनाबाट २४१ जना कोरोना संक्रमित थपिएका छन् ।
पछिल्लो २४ घण्टामा गरिएको ८ हजार ८९७ नमुना परीक्षणमा २४१ कोरोना संक्रमित थपिएका हुन् । आज थपिएका २४१ जनासँगै नेपालमा हालसम्म कोरोनाबाट संक्रमित हुनेको संख्या ९ लाख २४ हजार ३९८ पुगेको छ भने आज थपिएका २२८ जनासँगै हालसम्म ८ लाख ११ हजार ७४६ जना कोरोना संक्रमणबाट मुक्त भएका छन् ।
नेपालमा आज कोरोना संक्रमणबाट मृत्यु हुनेको संख्या शून्य रहेको छ । हाल नेपालमा कोरोनाबाट ज्यान गुमाउनको संख्या ११ हजार ५९० पुगेको छ ।
त्यस्तै नेपालमा हाल ४,८७१ जना सक्रिय संक्रमित रहेका छन् । ती मध्ये ४६३४ जना होम आइसोलेशनमा र संस्थागत आइसोलेशनमा २३७ जना रहेका छन् । साथै हाल आइसीयुमा ८२ र भेन्टिलेटरमा २३ जनाको उपचार भइरहेको छ ।
त्यस्तै नेपालमा हालसम्म २ करोड, ४२ लाख ८२ हजार ३६० जनाले कोरोनाविरुद्धको खोप लगाइसकेका छन् । ती मध्ये पहिलो मात्राको खोप लगाउनेको संख्या १ करोड ३९ लाख ७१ हजार ६६८ पुगेको छ भने १ करोड ३ लाख १० हजार ६९ जनाले दोस्रो मात्राको खोप लगाएका छन् ।
नेपालमा पछिल्लो २४ घण्टामा ५६ हजार ११२ जनाले कोरोना भाइसरविरुद्धको खोप लगाएका छन् ।
वि.सं.२०७८ पुस १५ बिहीवार १७:०० मा प्रकाशित
