Sansar News
१५ पुष, काठमाडौँ । बिहिबार कुमारी बैंकलाई सबै सिस्टम ह्याक गर्ने धम्कीपूर्ण इमेल आएको छ । साउदी ग्रुप नाम गरेको इमेलबाट यस्तो धम्की आएको हो ।
बैंकका सुचना अधिकारी नविन मुनि बज्राचार्यले भने, “बिहान १०:३० बजे सबै सिस्टम ह्याक गर्ने धम्की सहितको इमेल आएको थियाे । उक्त इमेल आएपछि बैंकको सबै सिस्टम हाई अलर्टमा राखेर बन्द गरिएको छ । हालसम्म बैंकका सबै सिस्टमहरू सुरक्षित रहेको छ ।”
साथै उनले अबको केहि समय पछि सबै सिस्टम सञ्चालनमा ल्याउने तयारी गरिएको जानकारी दिए ।
वि.सं.२०७८ पुस १५ बिहीवार १७:०१ मा प्रकाशित
