Sansar News
काठमाडौं । देशैभरी बढिरहेको चिसोका कारण न्यानोको जोहो गर्ने क्रममा देशका विभिन्न क्षेत्रमा मानविय क्षति हुने गरेर अप्रिय घटना घटिरहेको भन्दै स्वास्थ्य मन्त्रालयले सतर्कता अपनाउन अनुरोध गरेको छ ।
देशैभरी चिसो बढेको र शरीर तथा कोठा तातो बनाउनका लागि आगो ताप्ने, हिटर बाल्ने, गिजरको प्रयोग गर्ने क्रममा साबधानी नअपनाउँदा अप्रिय घटनाहरु घटेको भन्दै मन्त्रालयले सावधानी अपनाउन अपिल गरिएको छ ।
मन्त्रालयले हावा ओहोर–दोहोर हुने ठाउँ वा कोठामा मात्र आगो ताप्ने, हिटर बाल्ने वा गिजर प्रयोग गर्न अनुरोध गरेको छ ।
यी साबधानी अपनाऔं
-कोइला जन्य स्रोतबाट सकेसम्म आगो नताप्ने
-आगो बाल्दा वा हिटर बाल्दा, कागज, कपडा जस्ता छिटो जल्ने खालका सामग्री नजिकै नराख्ने ।
-आगो तापिसकेपछि त्यसलाई पूर्णरुपमा निभाउने ।
-हिटरको प्रयोग गर्दा समय–समयमा चलिरहेको हिटरलाई बन्द गर्ने ।
-सुत्नुअघि अनिवार्य रुपमा हिटर निभाउने ।
-गिजरको मुख्य मेसिनलाई बाथरुम बाहिर खुला ठाउँमा जडान गर्ने ।
-गिजर खोलेर लामो समयसम्म बाथरुममा बस्ने नगरौं ।
वि.सं.२०७८ पुस १५ बिहीवार १७:४० मा प्रकाशित
