Sansar News
काठमाण्डौं । हाल देशैभरी पश्चिमी न्यून चापिय प्रणाली र भारतको उत्तर प्रदेशको पूर्वी भूभाग र बिहार आसपासमा रहेको न्यून चापिय क्षेत्रको प्रभाव रहेको छ ।
आज दिउँसो गण्डकी प्रदेश र प्रदेश नं १ का उच्च पहाडी तथा हिमाली भू–भागहरुका एक वा दुई स्थानहरुमा हल्का हिमपातको संभावना रहेको छ ।
त्यसैगरी राति पनि प्रदेश नं १, बागमती प्रदेश र गण्डकी प्रदेशका उच्च पहाडी तथा हिमाली भू–भागका एक वा दूई स्थानहरुमा हल्का हिमपातको सम्भावना रहेको मौसम पूर्वानुमान महाशाखाले जनाएको छ ।
महाशाखाले प्रदेश नं १, बागमती प्रदेश र गण्डकी प्रदेशका उच्च पहाडी तथा हिमाली भू–भागका थोरै स्थानहरुमा हल्का हिमपातको पनि सम्भावना रहेको कारण चिसोबाट बच्न आवश्यक सतर्कता अपनाउन समेत अनुरोध गरेको छ ।
हुस्सु र कुहिरोका कारण उडान प्रभावित
आज काठमाडौं उपत्यकामा बिहानैदेखि बाक्लो हुस्सु र कुहिरो लागेका कारण राष्ट्रिय तथा अन्तराष्ट्रिय उडान प्रभावित भएका छन् ।
हुस्सु र कुहिरोका कारण त्रिभुवन अन्तराष्ट्रिय विमानस्थलबाट बाहिर जाने र आउने उडानहरु रोकिएका छन् ।
विमानस्थल कार्यालयका अनुसार भिजिबिलिटी अत्यन्तै कम भएका कारण विमान अवतरण र उडानमा समस्या आएको हो ।
वि.सं.२०७८ पुस १६ शुक्रवार ०८:४९ मा प्रकाशित
