हामी सबैकाे संसारन्यूज

काठमाडौं । नेकपा (माओवादी केन्द्र)को जारी आठौं महाधिवेशनले अध्यक्ष पुष्पकमल दाहाल ‘प्रचण्ड’को राजनीतिक प्रतिवेदन पारित गरेको छ । प्रतिवेदनमाथि उठेका प्रश्नमाथि अध्यक्ष प्रचण्डले जवाफ दिएसँगै बन्दसत्रले पारित गरेको हो ।

पुस ११ देखि सुरु भएको माओवादीको आठौं महाधिवेशनको बन्दसत्रमा १२ गते प्रचण्डले ‘२१ औं शताब्दीमा समाजवादको नेपाली बाटो’ नामक राजनीतिक दस्तावेज पेश गरेका थिए । उक्त दस्तावेजमाथि विभिन्न २५ समूह गठन गरि छलफल चलाइएको थियो ।

२५ समूहका टोली नेताहरुले प्रतिवेदनमाथि प्रश्न तथा सुझाब राखेसँगै प्रचण्डले जवाफ दिएका थिए ।

प्रचण्डको प्रतिवेदनमा पारित भएपनि सो प्रतिवेदनमाथि नेतात्रय राम कार्की, लेखनाथ न्यौपाने र हरिबोल गजुरेलको पुरक तथा फरक मतबारे प्रचण्डले मौनता जनाएका छन् । उनले उक्त फरक मतलाई समेट्ने विषयमा केही पनि बोलेनन् ।