हामी सबैकाे संसारन्यूज

काठमाडौं । नेकपा (माओवादी केन्द्र) को आठौं राष्ट्रिय महाधिबेशनमा निर्वाचनको अभ्यास गरिने भएको छ ।

नेकपा माओवादी केन्द्र स्रोतका अनुसार दलित, महिला, युवा, जनजाती, मधेशी, थारु, मुस्लिम, पिछडिएको, अल्पसंख्यक तथा खस आर्यमा समेत कलस्टर बनाई निर्वाचन अभ्यास हुने भएको हो ।

सो पार्टीको विधान अनुसार २९९ सदस्यीय केन्द्रीय समिति मध्ये झण्डै सवासयले मात्र खुल्ला उम्मेदवारी दिन पाउने स्थिति बलियो बनेको छ भने बाँकी अरु कलस्टरबाट चुनिएर आउनुपर्नेछ ।

झण्डै १६ सय प्रतिनिधिमध्ये ५ सय भन्दा बढीले केन्द्रीय समितिमा आकांक्षा राखेको अनुमान भएसँगै माओवादीले सबै प्रदेश १० वटै (७ भुगोल र ३ गैर भुगोल) बाट छलफल गरी नाम सिफारिस गराउने र त्यसको आधारमा नेतृत्वले सहमतिको प्रयास गराउने बताइएको छ । सहमति हुन नसेकका ठाउँमा मात्र निर्वाचन गराइने स्रोतले जनाएको छ ।

नेकपा माओवादीको सोमबारदेखि जारी बन्दसत्र शनिवार बिहान ११ बजेसम्मका लागि स्थगित भएको छ । शनिवार विधान मस्यौदामाथि समूहगत छलफलबाट आएका सुझाव र जिज्ञासामाथि स्थायी कमिटी सदस्य. देवप्रसाद गुरुङले जवाफ दिने र त्यसपश्चात पार्टीको नयाँ नेतृत्व चयनको प्रक्रिया सुरु हुने बताइएको छ ।

प्रचण्डको राजनीतिक प्रतिवेदन पारित, तर, फरकमतप्रति देखाइयाे मौनता