Sansar News
काठमाडौं । नेकपा माओवादी केन्द्रको आठौं महाधिबेशन २३६ केन्द्रीय सदस्यको नामावली सार्वजनिक गर्दै आइतवार सम्पन्न भएको छ ।
पुष ११ गतेदेखि सुरुभएको आठौं महाधिवेशनको पुष १८ गतेको बन्दसत्रले माओवादी केन्द्रको आगामी नेतृत्वका लागि खुला तथा दलित, थारु, आदिवासी, जनजाति, मधेसी र मुस्लिम लगायतका कलस्टरबाट २३६ केन्द्रीय सदस्य चयन गरेको हो ।
उक्त केन्द्रीय समितिमा कर्णाली प्रदेशबाट २९ जना सदस्य चुनिएका छन् । जसमा सबैभन्दा बढी जाजरकोटबाट ७ जना रहेका छन् भने सोहि प्रदेशको मुगु जिल्लाबाट प्रतिनिधि गर्नेको संख्या भने शून्य रहेको छ भने डोल्पाबाट १ जना चयन भएका छन् ।
यस्तो छ कर्णाली प्रदेशबाट केन्द्रमा प्रतिनिधित्व गर्नेको नामावली
आइतवारको बन्दसत्रमा पेश गरिएका नामावली अनुसार प्रदेशको जाजरकोटबाट शक्तिबहादुर बस्नेत, कालीबहादुर मल्ल, मायाप्रसाद शर्मा, सत्य पहाडी, रामदीप आचार्य, कृष्णा शाह र पार्वती विक, सुर्खेतबाट नरबहादुर विष्ट, झकबहादुर मल्ल, विन्दमान विष्ट, पुष्पा घर्ती, सीता नेपाली र हरिमाया शर्मा रहेका छन् ।
त्यस्तै, रुकुमपश्चिमबाट जनार्दन शर्मा, राजकुमार शर्मा, वसन्त शर्मा, लुम्बिनी गौतम र लक्ष्मी पुन, जुम्लाबाट गजेन्द्रबहादुर महत, नरेश भण्डारी र गोमा कुँवर, कालीकोटबाट महेन्द्रबहादुर शाही, विष्णुबहादुर विक र यशोदा न्यौपाने, सल्यानबाट टेकबहादुर बस्नेत र टीका बुढाथोकी र हुम्लाबाट छक्कबहादुर लामा र विजय भण्डारी सर्वसम्मत चयन भएको केन्द्रीय सदस्य नरेश भण्डारीले जानकारी दिएका छन् ।
त्यस्तै डोल्पामा एकजना काली चलाउने केन्द्रीय सदस्यमा चयन भएका छन् भने मुगुबाट नेता मङ्गल शाहीलाई केन्द्रीय सदस्यमा मनोनीत गरिने भण्डारीले जानकारी दिएका छन् ।
माओवादी केन्द्रको केन्द्रीय कमिटीको बैठकले आज पदाधिकारी चयन गर्ने
वि.सं.२०७८ पुस १९ सोमवार १०:२५ मा प्रकाशित
