हामी सबैकाे संसारन्यूज

काठमाडौं । बैदेशिक रोजगारीमा जाने र विदामा आएर फर्किएका युवाहरुले आगामी माघ २ गतेबाट अनलाइनबाटै श्रम स्वीकृति लिन पाउने भएका छन् ।

बैदेशिक रोजगारीमा जाने नेपालीलाई सहज बनाउनका सरकारले आगामी माघ २ गतेदेखि अनलाइनबाटै श्रमस्वीकृति लिन मिल्ने व्यवस्था गर्न लागेको हो ।

श्रम रोजगार तथा सामाजिक सुरक्षा मन्त्रालयका सचिव एकनारयण अर्यालका अनुसार सेवाग्राहीको चहना र अपेक्षा अनुरुप वर्तमान सूचना प्रविधिको अधिकतम उपयोग गरी श्रम स्वीकृतिलाई पेपरलेस बनाई सरकारले यस्तो सेवा प्रदान गर्न लागेको पनि मंगलवारको राजधानी दैनिकमा समाचार छ ।

बैदेशिक रोजगार सम्बन्धी हरेक काम काबाहीलाई थप सहज, छिटो र पारदर्शी तथा झन्झटरहित हुने अर्यालको दावी रहेको छ । यो नयाँ थालनीले बैदेशिक रोजगारीमा जाने नेपाली लाभान्वित हुने पनि उनको भनाईछ ।

के के चाहिन्छ त आवस्यक कागजात ?
मन्त्रालयका अनुसार वैदेशिक रोजगारीमा जाने व्यक्तिको पासपोर्ट साइजको फोटोको स्क्यान कपी, राहदानीको पेज २,३ र ३१ को स्क्यान कपी, सम्बन्धीत देशबाट आएको भिसाको स्क्यान कपी, पुरानो भिसा भए सो राहदानी र हालको दुवैको स्क्यान कपी, अध्यागमन कार्यालयले राहदानीमा लगाएको डिर्पाचर र अराइभल स्ट्याम्प भएको राहदानीको पानाका स्क्यान कपी, यसअघि श्रम स्वीकृति लिएको भन्दा फरक रोजगारदाताकोमा काम गर्न जाने कामदारका लागि रोजगारदाताले उपलब्ध गराएको जव अफर लेटर वा सम्झौतापत्र स्क्यान कपी चाहिनेछ ।