Sansar News
काठमाडौं । राष्ट्रियसभा निर्वाचनका लागि नेपाली कांग्रेसको सोमबार बसेको केन्द्रीय समितिको पहिलो बैठकले पार्टीका तर्फबाट उम्मेदवारको टुंगो लगाएको हो ।
कांग्रेसले आगामी माघ १२ गते हुने निर्वाचनका लागि प्रदेश १ मा गोपाल कुमार बस्नेत, बागमती प्रदेशमा कृष्ण प्रसाद पौडेल, गण्डमी प्रदेशबाट कमला पन्त, कर्णाली प्रदेशबाट दुर्गाकुमारी गुरुङ, लुम्बिनी प्रदेशबाट युवराज शर्मा र सुदूरपश्चिम प्रदेशबाट नारायण मिश्रलाई उम्मेदवारमा मनोनयन गर्ने निर्णय गरेको हो ।
यहि माघ १२ गते राष्ट्रियसभाको १९ सदस्यका लागि हुने निर्वाचनका लागि आज बिहान १० देखि .दिउँसो ३ बजेसम्म उम्मेदवारहरुले सम्बन्धीत प्रदेशको निर्वाचन अधिकृतको कार्यालयमा पुगेर उम्मेदवारी मनोनयन दर्ता गराउन सक्नेछन् ।
निर्वाचन आयोगका अनुसार प्रदेश १ को विराटनगर, प्रदेश २ को जनकपुरधाम, बागमती प्रदेशको हेटौडा, गण्डकीको पोखरा,लुम्बिनीको घोराही, कर्णालीको वीरेन्द्रनगर र सुुदुरपश्चिमको धनगढीमा रहेको निर्वाचन आयोगको प्रदेश कार्यालयमा पुगेर उम्मेदवारहरुले मनोनयन दर्ता गराउन सक्नेछन् ।
राष्ट्रियसभा सदस्यको निर्वाचनका लागि आज उम्मेदवारी दर्ता हुँदै
वि.सं.२०७८ पुस २० मंगलवार १०:३६ मा प्रकाशित
