काठमाडौं । सरकारले उखुको मूल्य निर्धारण गरेको छ । बुधबार बसेको मन्त्रिपरिषद् बैठकले उखुको मूल्य प्रति मेट्रिक टन ५९० रुपैयाँ निर्धारण गरेको हो । उखुको मूल्य निर्धारणको प्रस्ताव उद्योग, वाणिज्य तथा आपूर्ती मन्त्रालयले मन्त्रिपरिषमा पेश गरेको थियो ।
कृषि तथा पशुपन्छी विकास मन्त्रालयले उखु किसान र चिनी उद्योगीबीच छलफल गरेर मूल्य निर्धारणको सिफारिस उद्योग मन्त्रालयमा गरेको थियो । उक्त छलफलमा किसानले ६ सय ५० रुपैयाँ प्रति मेट्रिकटन माग गरेका थिए भने उद्योगीहरुले ५ सय ८० रुपियाँ मेट्रिक टन हुनुपर्ने माग गरेका थिए ।
उखुको मूल्य निर्धारण नहुँदै उखु किसानले चिनी मिलमा आफ्नो उखु दिन सुरु गरिसकेका छन् । सँगै उखु किसानहरुले मुल्य निर्धारण र उद्योगीहरुसंगबाट लिन बाँकी रहेको बक्यौतामा सहजिकरणको लागि आन्दोलन पनि गरिरहेका छन् ।
