Sansar News
काठमाडौं । मौसम पूर्वानुमान महाशाखाले आज पाँच प्रदेशका केही भू–भागमा हल्का वर्षा र केही उच्च तथा हिमाली भू–भागमा हिमपातको संभावना रहेको जनाएको छ ।
महाशाखाले आज दिउँसो देशका उच्च पहाडी तथा हिमाली भूभागका केही स्थानमा हल्का हिमपात तथा सुदूरपश्चिम, कर्णाली, गण्डकी, लुम्बिनी तथा बाग्मती प्रदेशका केही स्थानमा हल्का वर्षाको सम्भावना रहेको छ।
त्यस्तै राति पनि देशका पहाडी तथा तराइका थोरै भू–भागमा हल्का वर्षाको साथै उच्च पहाडी तथा हिमाली भू–भागका केही स्थानमा हल्का हिमपातको सम्भावना रहेको महाशााखाले जनाएको छ ।
त्यस्तै आज काठमाडौंको न्यूनतम तापक्रम ७.६ र अधिकतम तापक्रम १८.० मापन गरिएको छ । साथै आज जुम्लाको तापक्रम माइनस ४ रहेको छ भने अधिकतम् १३.० मापन गरिएको छ ।
वि.सं.२०७८ पुस २२ बिहीवार ०९:४६ मा प्रकाशित
