हामी सबैकाे संसारन्यूज

काठमाडौं । एमालेका रोल्पा जिल्ला कमिटीका सचिवको हृदयघातबाट मृत्यु भएको छ ।

एमाले रोल्पाका जिल्ला सचिव निमप्रसाद रोकाको बुधवार ४७ वर्षको उमेरमा हृदयघातबाट निधन भएको भन्दै एमालेले दुःख वयक्त गरेको छ ।

‘हाम्रो पार्टीका रोल्पा जिल्ला कमिटीका सचिव कमरेड निमप्रसाद रोकाको २०७८ पुस २१ गते ४७ बर्षको उमेरमा हृदयघातबाट असामयिक निधन भएकोमा पार्टी स्तब्ध भएको छ,’ एमालेको पार्टी कार्यालयद्धारा सामाजिक संजाल फेसबुकमा जारी समवेदनामा भनिएकोछ, ‘कमरेड रोकाको निधनबाट हाम्रो पार्टीले रोल्पामा एक जिम्मेवार नेता गुमाएको छ । दुःखको यस घडीमा दिवंगत कमरेड रोकाप्रति भावपूर्ण श्रद्धाञ्जली अर्पण गर्दै शोकाकूल परिवारजनमा हाम्रो पार्टी समवेदना प्रकट गर्दछ ।’