Sansar News
काठमाडौं । नेपाली कांग्रेसका नेता डा.सुभाषचन्द्र यादवले विनोद चौधरीलाई केन्द्रीय सदस्यबाट पदमुक्त गर्न माग गरेका छन् ।
नेपाली कांग्रेसका हालै सम्पन्न १४ औं महाधिवेशनमा खुल्ला तर्फबाट निर्वाचित चौधरी विधान विपरित हुने गरी केन्द्रीय सदस्य बनेको भन्दै यादवले निर्वाचन आयोगमा उजुरी समेत दिएका छन् ।
‘नेपाली कांग्रेसको हालसालै सम्पन्न १४ औं महाधिवेशनको लागि नेपाली कांग्रेसको विधान, २०१७ .(संशोधनसहित) ले केन्द्रीय पदाधिकारी तथा सदस्यहरुका लागि निश्चित मापदण्ड बनाएरको र सो मापदण्ड विपरित केन्द्रीय सदस्य मधेशी (खुल्ला (५) पवदका लागि भएको प्रचिश्पर्धामा विधानको व्यवस्था विपरीत विनोद चौधरी निर्वाचित भएको भनिएकोले निजलाई उक्त केन्द्रीय सदस्य पदबाट हटाई निजको ठाउँमा म निबेदक निकटतम प्रतिश्प्रधी डा. सुभाष चन्द्र यादवले नाम समावेश गरी पाउन निम्न लिखित उजुरी निवदेन पेश गर्दछु ।’ यादवको उजुरी पत्रमा लेखिएको छ ।
वि.सं.२०७८ पुस २२ बिहीवार १०:२४ मा प्रकाशित
