Sansar News
पाँचथर । फालेलुङ गाउँपालिका-६ बरभञ्ज्याङमा बुधबार बेलुकी आगलागी हुँदा आइएमईसहित तीन घर जलेका छन् । बरभञ्ज्याङका जीतबहादुर मेयोङ्बाको घरबाट सुरु भएको आगलागी फैलँदा यहाँका रामजीत राई र मनबहादुर राईका घर जलेका हुन् ।
आगलागीमा तीन घरमा रहेको आइएमईको कार्यालयसहित आधा दर्जन बढी पसल जलेको स्थानीयवासी खगेन्द्र राईले जानकारी दिए । आगलागी नियन्त्रणका लागि फिदिममा रहेका दुई दमकलको सहायता लिइएको थियो ।
बरभञ्ज्याङ फालेलुङ-६ को केन्द्रका रुपमा रहेको बजार हो । विद्युत् सर्ट भई आगलागी भएको स्थानीयवासीको अनुमान छ ।
रासस
वि.सं.२०७८ पुस २२ बिहीवार १०:३२ मा प्रकाशित
