Sansar News
काठमाडौं । नेकपा एमालेले जिल्लाका कमिटीका लागि तीनबुँदे मापदण्ड तोकेको छ ।
भोली शुक्रवारदेखि सुरु हुने एमालेको जिल्ला अधिवेशनका लागि पार्टीले तीनबुँदे मापदण्ड तोक्दै ७७ वटै जिल्लामा सर्कुलर गरेको बताइएको छ ।
उक्त मापदण्डको १ नम्बरमा पदाधिकारी हुनका लागि दुई कार्यकाल जिल्ला कमिटीमा काम गरिसकेको वा एक कार्यकाल सचिवालयमा सदस्य भई काम गरिसकेको हुनुपर्नेछ ।
त्यस्तै २ नम्बरमा सदस्यका लागि जिल्ला कमिटी, जिल्ला विभाग वा एक तह मुनिको कमिटीमा कम्तीमा एक कार्यकाल पूरा गरेको हुनुपर्ने रहेको छ भने ३ नम्बरमा एकता एकीकरणबाट पार्टीमा समाहित भएकाको हकमा भने विधानको धारा ६३ (११) अनुसारको हुनेछ ।
वि.सं.२०७८ पुस २२ बिहीवार १०:३८ मा प्रकाशित
