Sansar News
काठमाडौं । नारायणहिटी दरबार संग्रहालयमा बन्न लागेको रेष्टुरेण्ट बारे सरकारले छानविन समिति बनाएको छ ।
दरबार संग्रहालयभित्र बतास अर्गनाइजेशनले प्रति रोपनी ५० हजार तिर्नेगरी १० रोपनीमा बनाउन लागेको उक्त रेष्टुरेण्टका विषयमा छानविन गर्न संस्कृति,पर्यटन तथा नागरिक उड्डयन मन्त्रालयले छानविन समिति बनाएको हो ।
मन्त्रालयका सहसचिव होमप्रसाद लुईंटेलको संयोजकत्वमा विहीवार ५ सदस्यीय समिति गठन गरिएको हो । टेकनारायण पौडेल, सूर्यमणि गौतम, पुरुषोत्तम खतिवडा र सदस्य सचिवमा शाखा अधिकृत टंकबहादुर नेगी रहेको उक्त समितिलाई ३ दिनको म्याद दिएर राय/सुझावसहित प्रतिवेदन पेश गर्न मन्त्रायले निर्देशन दिएको छ ।
पर्यटन मन्त्रालयको निर्देशनमा नारायणहिटीमा रेष्टुरेण्ट बनाउन रोक
वि.सं.२०७८ पुस २२ बिहीवार १४:२० मा प्रकाशित
