हामी सबैकाे संसारन्यूज

काठमाडौं । निर्वाचन आयोगले आज राष्ट्रियसभा सदस्यका लागि उम्मेदवारी दिएका उम्मेदवारमाथि परेका उजुरीहरुको जाँचबुझपछि नामावली प्रकाशन गर्ने भएको छ ।

माघ १२ गते हुने निर्वाचनका लागि राष्ट्रियसभाको १९ सदस्यका लागि उम्मेदवारी मनोनयन दर्ता गरेकाहरुको उम्मेदवारको नाममाथि विहीवार परेका उजुरीमाथि आयोगले छानविन गरेपछि आज दिउँसो ३ बजे प्रकाशन गरिने जनाइएको छ ।

आयोगका अनुसार उम्मेदवारको अन्तिम नामावली भने पुस २४ गते प्रकाशन गर्ने र सोहि दिन उम्मेदवारहरुलाई चुनाव चिन्ह् वितरण गरिने कार्यक्रम समेत रहेको बताइएको छ ।

आगामी माघ १२ गते हुने उक्त राष्ट्रियसभा निर्वाचनमा ९ राजनीतिक दलका ४३ जनाले उम्मेदवारी दिएका छन् । निर्वाचनमा गठबन्धनका दलले साझा उम्मेदवार बनाएर उम्मेदवारी दर्ता गरेका छन् भने एमालेले भने एक्लै उम्मेदवार उठाएको छ ।