हामी सबैकाे संसारन्यूज

काठमाडौं । एप्पल कम्पनीको आईफोनहरू विश्वभर व्यापक रूपमा प्रयोग गरिन्छ। अन्य फोनको मूल्यभन्दा धेरै मूल्य भएपनि मानिसहरु आईफोन किन्न उत्साहित देखिन्छन् । आईफोनको लुक्स र यसमा पाइने विशेषताबाट मानिसहरु निकै लोभिएका छन् । यसको सेक्युरिटी सिस्टम असाध्यै बलियो पनि मानिन्छ । तर, अर्कोतर्फ आईफोन प्रयोगकर्ताहरू आफ्नो अनलक पासवर्ड बिर्सेर धेरै पटक फसादमा पर्ने गरेका छन् । यसका कारण आईफोन प्रयोगकर्ताहरू धेरै निराश पनि हुन्छन् र आफ्नो आईफोन फेरि अनलक गर्न अन्य विकल्पहरू खोज्छन्।

यदि तपाई आईफोन अनलक गर्न असक्षम हुनुभएको छ भने हामी तपाईँलाई एउटा विशेष ट्रिकको बारेमा बताउन गइरहेका छौँ । यो ट्रिकको मद्दतले तपाईं सजिलैसँग आफ्नो आइफोन फेरि अनलक गर्न सक्षम हुनुहुनेछ ।

यसका लागि तपाईंले आफ्नो आईफोनलाई रिकभरी मोडमा राख्नुपर्छ। यो प्रक्रिया पूरा गर्न, तपाईंसँग कम्प्युटर वा ल्यापटप हुनुपर्छ। यो प्रक्रिया पछि तपाईको सबै महत्त्वपूर्ण डाटा भने मेटिनेछ। यदि तपाईंले पहिले नै आइक्वाउडमा आफ्नो डाटा ब्याकअप गरिसक्नुभएको छ भने, तपाईंले आइफोन अनलक गरेपछि त्यहाँबाट आफ्नो डाटा पाउन सक्नुहुन्छ ।

अर्कोतर्फ, यदि तपाईंले आफ्नो डाटा ब्याकअप गर्नुभएको छैन भने, यो प्रक्रिया पछि तपाईंको सबै महत्त्वपूर्ण डाटा मेटिनेछ। यो प्रक्रिया गर्न तपाईंसँग म्याक वा पीसी हुनुपर्छ। यदि तपाइँसँग कम्प्युटर वा पीसी छ भने, त्यसमा वण्डोस ८ वा माथिको विण्डोज सिस्टम हुनुपर्छ। जान्नुहोस् कसरी आईफोन रिकभर गर्ने..

सबैभन्दा पहिले तपाईंले आफ्नो ल्यापटप वा डेक्सटपमा आई टिव्न इन्स्टल गर्नुहोस् । नखुलेको मोबाइललाई अफ गर्नुहोस् । अब तपाईंले केबलको साथले आफ्नो आईफोन पीसीमा जडान गर्नुपर्छ। यस अवधिमा, तपाईंले केही समयको लागि ठीक रिकभरी बटन थिच्नु पर्छ, ताकि आईफोन रिकभरी मोडमा प्रवेश गर्नेछ। तपाइँको आईफोनको मोडेलअनुसार बटन छनोट गर्न सक्नुहुन्छ, जुन अनअफको लागि प्रयोग हुन्छ ।

यसपछि, यो जडान भएको कम्प्युटरमा आइ टिव्नमा आईफोन पत्ता लगाउनुहोस्। यसो गरेपछि तपाईले रिस्टोर वा अपडेटको विकल्प देख्नुहुनेछ। यहाँ रिस्टोरको विकल्प चयन गर्नुहोस् । कम्प्युटरले अब आईफोनको लागि सफ्टवेयर डाउनलोड गर्नेछ र रिस्टोरको प्रक्रिया सुरु हुनेछ।

तपाईंले डाउनलोड समाप्त नभएसम्म कुर्नुपर्छ। एकचोटि डाउनलोड समाप्त भएपछि, तपाईंले आफ्नो आईफोन बन्द र पुनस् सुरु गर्न आवश्यक हुनेछ। प्रक्रिया समाप्त भएपछि, तपाईंले कम्प्युटरबाट आफ्नो आईफोन विच्छेद गर्नुपर्छ। अब तपाईंले आफ्नो आईफोन फेरि सेटअप गर्नुपर्छ। यस पछि तपाईको आईफोन प्रयोगको लागि तयार हुनेछ । यी चरणहरू पछ्याएर, तपाईं सजिलै आफ्नो आईफोन अनलक गर्न सक्नुहुन्छ।